Гувернерот на американската сојузна држава Њујорк, Ендру Куомо, дозволил Ју-Ес опен да започне на 31 август. Мечевите ќе се играат без публика.
„Ју-Ес опен ќе се одржи во Квинс, Њујорк, без навивачи од 31 август до 13 септември. Тениската асоцијација на САД (УСТА) ќе преземе строги мерки на претпазливост: тестирања, дополнително чистење, дополнителен простор во соблекувалните…“, напишал гувернерот на „Твитер“.
Прашање е како тенисерите и тенисерките ќе одговорат на повикот на Ју-Ес опен. Најдобрите тенисери Ѓоковиќ, Надал, Федерер, Кирјос се противат на одржувањето на турнирот, додека кај тенисерките учеството веќе го откажа втората на ВТА листата Симона Халеп.
