29 март, 2024
ПочетнаЕКОНОМИЈАНевообичаена и спектакуларна вила на Бел Ер

Невообичаена и спектакуларна вила на Бел Ер

На Бел Ер се наоѓаат многу импресивни мега-вили, но само неколку имаат архитектонско значење до толкава мера како оваа за која денес зборуваме…

Позната како Orum House, оваа новоизградена вила со површина од скоро 2.000 квадрати, настанала како дело на архитектот Золтан Пали од “SPF:architects” со три различни крила, од кои секоја има различен правец во однос на централниот дел. Сепак, иако ова е дефинитивно резиденција која се истакнува со својот изглед, таа е сè, освен грандиозна. Во својата внатрешност, содржи палети на сиви, кафеави и окер тонови, која ја прават гостопримлива и им нуди на сопствениците чувство на спокој.

Со цена од 55 милиони долари, прекрасната вила се наоѓа на врвот на еден простран рид во срцето на Бел Ер, што на нејзините сопственици им дава можност постојано да уживаат во прекрасниот поглед. Кога времето е добро, можете дури и да го видите океанот. Како многу други вили во околината, Orum House беспрекорно ги поврзува ентериерот и интериерот со помош на прозорци од под до таван во речиси секоја просторија. На приземјето, прозорците се отвораат и самиот простор се прелева кон базенот, ложата и просторот за логорски оган.

Ако ги спуштите скалите на пониско ниво, ќе наидете на спектакуларна, аголна структура која се протега низ целиот простор. Токму тука се наоѓа винарска визба со доволен простор за 1.000 шишиња, теретана со поглед, спа и сауна, како и домашно кино со кујна со професионално ниво. Недалеку од таму, се наоѓа Cube, гостинска куќа со четири спални соби и четири купатила.

На второто ниво на вилата се наоѓаат спални соби, кои вкупно ги има девет. Главната спална соба добила цело крило само за себе, а преку нејзините прозорци има неверојатен поглед на градот, додека на посебен начин е украсен со спектакуларна тераса. Ова не е единствената пространа спална соба во внатрешноста на оваа вила, затоа што има и мини-мастерс соба, која е слично поставена.

Ако ви се допаѓа приказната за оваа вила, знајте дека можете да ја купите како што ја гледате – со сите парчиња мебел, декорации и други детали.

 

НАЈНОВИ ВЕСТИ

ХОРОСКОП