Списокот на компании во Хрватска кои бараат исплата на минимална плата поради економската криза треба да се објави в понеделник. Конечниот список брои 87.000 компании, занаетчии и независни професии за приближно 470.000 вработени. Според „Вечерњи лист“, на списокот е и познатата хрватска пејачка Северина (48), чија професија се води како самостојна.
Приходот на пејачката паднал за повеќе од 20 проценти. Таа побара помош од државата за исплата на плата и го исполни основниот услов за државна помош.
Сите работодавци ќе добијат или веќе добиле 3250 куни (430 евра) за секој регистриран работник за март, пишува „Јутарњи лист“.
