Нискобуџетниот превозник Wizz Air ја продолжи суспензијата за своите летови на повеќето пазари во поранешна Југославија, поради пандемијата од коронавирусот COVID-19. Превозникот, кој првично планираше повторно да ги започне услугите од регионот на 1 мај, сега ги одложи повеќето летови до средината на мај или почетокот на јуни.
Понатамошни промени остануваат можни.
– Wizz Air искрено се извинува поради нарушувањата кои забраната за патувања би можела да им ги донесе на клиентите и уверува дека безбедноста и благосостојбата на патниците и екипажот се главен приоритет на авиокомпанијата, се вели во соопштението на компанијата.
Авиокомпанијата останува убедена во перспективите за раст по короната и соопшти дека “целосно очекува да ги одржи своите планови за раст на капацитетот во просек од 15 проценти годишно”, пренесува Ex-Yu Aviation.
