Еден од најексклузивните светски брендови кои произведуваат шампањ, „Gout de Diamants“, неодамна најави лансирање на најскапите шишиња шампањ досега…
Како што е очекувано, зад креацијата на овие шишиња стои името на познатиот дизајнер, Александер Амосу. Шишето е специјално дизајнирано за приватни клиенти на овој бренд, и секако, уникатно е.
Цената исто така е уникатна, како и самото шише, 1,2 милиони фунти, односно 1,8 милиони долари.
Многу брзо ќе заборавите на цената кога само еднаш ќе го погледнете ова ремек дело – фантастичниот дизајн е направен да привлекува внимание.
Вашето име може да биде изгравирано на шишето од 18-каратно злато, кое е тешко околу 36 грама. А тука е и етикетата, направена од 18-каратно бело злато, а тежи околу 48 грама, украсена со само еден, но доволно вреден дијамант со тежина од 19 карати.