Ви носиме феноменален рецепт за волшебна напивка која во овој период ви е неопходна.
Коренот од ѓумбир е богат со важни витамини и минерали, а содржи и специјални фитонутриенти, гингероли кои имаат силни антиинфламаторни својства и ја потикнуваат работата на крвотокот и варењето на храната. Покрај големата количина на витамин Ц, содржи магнезиум, калциум, железо, фосфор, калиум и натриум. Од друга страна, куркумата дури има и антиканцерогена активност.
Затоа, постојат многу причини да го направите овој пијалок.
Состојки:
свеж ѓумбир (околу 4 см) • свежа куркума (околу 4 см) • 1 лимон • 1 голем прстофат бибер (за куркумата да има ефект) • свеж сок од портокал по желба
Подготовка:
Излупете го ѓумбирот со помош на лажица, но можете и со нож. Потоа излупете ја куркумата. Но, ставете ракавици затоа што овој жолт корен може да ви ги обои прстите. Изрендајте ја куркумата и ѓумбирот.
Исцедете сок од лимон, и додадете ја куркумата и ѓумбирот.
Во здравиот пијалок додадете уште прстофат бибер. Ако пијалокот ви е премногу кисел, можете да додадете малку сок од портокал или мед.
