Компанијата „Microsoft“ следната година на пазарот ќе пласира нови верзии на своите таблети „Surface RT“ и „Surface Pro“, додека цените на постоечките „RT“ модели ќе бидат намалени.
Еден од директорите на компанијата, Кевин Тарнер ги најави новите уреди. Тој меѓу плановите за следната година најави „освежување“ на „Surface RT“ и „Surface Pro“.
Таблетот „Surface Pro“ веројатно ќе го добие новиот процесор на „Intel“ – „Haswell“, додека „Surface RT“ ќе го има процесорот на „Qualcomm“. „Microsoft“ ги тестира „Surface“ уредите со „Windows RT 8.1“ користејќи го процесорот на „Qualcomm“ – „Snapdragon 800“.
Меѓу плановите на „Microsoft“ за следната година се и „Xbox One“, „Windows 8.1“ и новите уреди со оперативниот систем „Windows 8.1“, но се уште ништо не е официјално потврдено.
И покрај тоа што продажбата на овие „хибридни таблети“ постави рекорди од „Microsoft“ соопштија нови значително пониски цени од актуелните модели.
Како што пренесуваат одредени медиуми новите цени на таблетот „Surface RT“ би требало да бидат актуелни од 14-ти јули.
„Surface RT“ 32GB – 349.99 долари
„Surface RT“ 64GB – 449.99 долари
„Surface RT“ 32GB + „Touch Cover“ – 449.99 долари
„Surface RT“ 64GB + „Touch Cover“ – 549.99 долари
