Јапонската министерка за Олимписки игри, Сеико Хашимото го отфрли предлогот на американскиот претседател Доналд Трамп за да се одложат игрите во Токио поради пандемија на коронавирусот.
Трамп предложи Олимписките игри во Токио, кои би требало да почнат на 24 јули, да се одложат за една година.
Хашимото на прес-конференција изјави дека Меѓународниот олимписки комитет и организаторите на Игрите “воопшто не размислуваат за откажување или одложување на Игрите”.
„Продолжуваме со подготовките за Игрите“, изјави таа, додавајќи дека и целиот свет се бори против вирусот и дека тоа сигурно ќе има позитивен ефект.
„Ќе сториме се Олимписките игри да се реазлизираат како што е планирано“, додаде Хашимото.
Олимпискиот пламен за Игрите во Токио беше запален вчера во Олимпија, родното место на античките игри, на скромна церемонија поради страв од ширење на коронавирусот. Пламенот треба да пристигне во Јапонија на 20 март.
Олимписките игри во Токио се на програмата од 24 јули до 9 август.
