Овој рачен часовник е изработен од луксузната швајцарска компанија „Piaget“, која се занимава со изработка на часовници и накит. Моделот е направен за да им оддаде почит на 12 легендарни згради на градот Њујорк, во кои е вклучена и Статуата на слободата.
Зградите се поставени на црната основа на часовникот, помеѓу римските броеви кои ги означуваат часовите. Тој е придвижуван од механизам изработен од самата компанија, кој е составен од 163 компоненти, од кои 27 се скапоцени камења.
Две прекрасни гравури се наоѓаат на двете страни од часовникот, едната прикажувајќи го Менхетен со двата главни мостови, другата прикажувајќи го Њујорк од Статуата на слободата. Круната на часовникот е направена од 18-каратно бело злато со гламурозен дијамант во средината. Ремчињата се од алигаторска кожа.
Од овој модел се изработени само три парчиња, што го прави часовникот уникатен и ексклузивен. Неговата цена засега останува тајна.
