Компанијата „ViewSonic“ ги претстави своите најнови паметни табли кои се чуствителни на допир и кои се наменети за интерактивно учење во училниците, како и ангажирање на публиката во работната средина.
Паметните табли имаат вградено компјутер за користење на различни апликации за предавања и презентации во рамките на дигиталната училница или сала за деловни состаноци. „ ViewSonic SWB“ таблите им овозможуваат на корисниците да држат динамични предавања, да забележуваат белешки со дигитално мастило и да ја зачуваат работата или фајловите се со помош на прстите или пенкалото.
Екраните се со дименции од 55 и 65 инчи, а таблите се опремени со „Intel Core i3“ процесор и оперативниот систем „Windows 8“.
Моделите „SWB5501“ и „SWB6552“ имаат моќни перформанси и комплетно искуство за управување со допир на различни интерактивни апликации, интернет пребарување, играње игри и соработка. Корисниците можат лесно да превземат и стартуваат апликација од продавницата на „Windows“
Овие табли им овозможуваат на четири корисници истовремено да земаат забелешки, да пишуваат или цртаат на екранот. Со оваа функција се постигнува соработка и ангажирање на публиката.
„SWB55“ и „SWB65“ исто така содржат и пар интегрирани звучници со моќност од „15W“ и интегриран HD 3000 графички чип. Шест USB влезови, RJ45 , HDMI и VGA влезови кои нудат флексибилна и добра поврзаност. Опционо постојат и интерактивни пенкала кои исто така се достапни за користење на двата модели.
Паметните табли веќе се достапни ширум Европа, Русија и Турција со цена од 3.490 евра за моделот „SWB5501“, додека цената за „SWB6502“ е 4.490 евра.
