Microsoft се откажа од својата одлука да го постави Bing како стандарден пребарувач.
Ова требаше да се однесува на корисниците на Office 365 ProPlus. Наместо тоа, администраторите ќе можат да се одлучат за инсталирање на Microsoft Search опцијата во Bing.
Доколку Microsoft одлучил да ги исполни своите претходни ветувања, корисниците на Office 365 ProPlus ширум светот ќе мора да го користат Bing како стандарден пребарувач од овој месец.
Сепак, се предомислија откако го слушнаа „гласот на луѓето“, објави TechRadar.
Додека компанијата забележува дека „многу клиенти“ се залагаа за промена, тоа не изгледаше така на социјалните мрежи, каде што луѓето јасно и гласно покажаа дека не го сакаат Bing.
