Швајцарската компанија „Savelli“ верува дека жените заслужуваат исто колку и мажите. Минатата недела на модната ревија во Париз ја претставија својата колекција на 11 луксузни мобилни телефони, дизајнирани за понежниот пол.
Ексклузивните смартфони имаат егзотични имиња како на пример „Ardent Red“ или „Diamond Night“, прекриени се со кожа од игуана, син ној и црн алигатор, украсени со злато, керамика и драгоцени камења.
„Кога дизајнираме знаеме што сакаме“, вели сопственикот на компанијата. „Сакавме да креираме мобилен телефон кој ќе биде женствен, со облини, но и многу модерен“.
За да го постигнат саканиот облик, во текот на креацијата екранот го прекриле со специјално стакло, кое се користи при изработување на врвни часовници. Мелодиите за овие мобилни телефони специјално ги компонирал францускиот DJ продуцент Стефан Помпунак.
Сеуште не ја кажавме цената на овие мали чуда. Најевтиниот чини 9.000 долари, а најскапиот е „Black Insane“, украсен со 75 дијаманти, за кои некој ќе мора да плати 118.000 долари.
