Поранешниот прв човек на тимот Рено во Формула 1, Флавио Бријаторе го советуваше пилотот на Ред Бул, Макс Верстапен да не зборува премногу.
Претходно, холандскиот тркач го обвини Ферари за измама.
– Прекрасно е што Макс ќе остане во Ред Бул, и ќе го гледаме меѓу лидерите во Формула 1 уште долго време. Тој е многу брз, постојано се подобрува и често ги надминува сите. Но Верстапен мора да научи да ја задржи устата затворена. Тој можеше да ги игнорира обвинувањата на Ферари за измама. Прво, не е негова работа да дава вакви изјави. Второ, во целата оваа приказна немаше вистина, изјави Бријаторе.
Минатата сезона Верстапен заврши на третото место во Генералниот поредок со 278 бода.
