Најскапото вино на светот во 2019 година не беше ниту италијанско ниту француско, туку вино од Унгарија.
Дваесет шишиња, по литар ипол, ја сочинуваат унгарската ексклузивна колекција Royal Tokaji „Essencia“, а едно шише од таа колекција чини 35.000 евра.
Ова слатко вино се произведува на североистокот на Унгарија, а виното е направено од бербата во 2008 година.
Шишињата се дизајнирани од уметникот Џејмс Каркас, а секое од нив има чеп специјално направен токму за нив во Португалија.
Рок на траење им е до 2300-та година. Досега се продадени 11 шишиња од таа колекција.
Цената е одредена од голем број фактори, вклучително и „благородната мувла“, која е одговорна за уникатниот вкус на тоа вино.
За ова вино производителите велат дека не би можеле повторно да ја произведат неговата уникатна арома.
