Овој архипелаг е едно од последните места кое може да се пофали со тло кое не подлегна на забрзаниот, модерен развој…
Љубовта кон авантурите и потребата за истражување на светот се она што нè тера кога сакаме да се впуштиме во искуствени патувања. За љубителите на јахти, едно такво патување може да се манифестира со кампување на Антарктикот, гледање китови во норвешките фјордови или пешачење во пустината во Патагонија. Сепак, за сите кои сакаат да ја напуштат својата зона на удобност и да остават километри зад себе, островите Курил се идеална опција.
Сместени на околу 1.200 километри северо-источно од Хокаидо во Јапонија до рускиот полуостров Камчатка, овој вулкански архипелаг кој се пресретнува со Окхотското море на запад и северен Пацифик на исток, е едно од последните места кое не потпадна под влијание на модерната револуција.
Пејзажот на овој дел од светот е украсен со девствени шуми, карпести брегови, широки реки и врвови кои се покриени со снег. Малку подалеку на југ, топлите води во близина на Пукет привлекуваат многу големи јахти со патници кои сакаат да истражуваат нешто повеќе од сега веќе славните карипски острови.
Нешто повеќе инфраструктура на оваа дестинација нуди Ланзароте, кој се наоѓа на 136 километри од северниот дел на Африка, кој забрзано станува дестинација за суперјахти. Сонцето кое сјае во текот на целата година, егзотичните пејсажи и спортови на вода не се единствената причина за посета на овој дел од светот. Сместен на трасата која ги поврзува Европа и Карибите, овој остров ви нуди многу работи што вредат да се видат.
Кога ќе одлучите дека сте подготвени да ги истражувате неасфалтираните патеки на нашиот свет, тогаш дефинитивно ве советуваме да посетите некоја од овие дестинации. Можеби тоа е местото каде ќе го пронајдете вистинското богатство – себеси.