Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 11,903.09 0%    GRNT 951.88 -0.54%    KMB 5,999.03 0.13%    MPT 65,000.00 0.04%    OKTA 3,153.00 0%    RZUS 50.00 0%    SBT 2,600.00 8.29%    STB 1,070.00 1.42%    STIL 77.00 -1.28%    TEL 320.00 0%    TNB 16,350.00 -0.61%    TTK 1,282.00 9.57%    

Важноста на раната детекција на ракот на дојка

Време: 08:49

Датум: октомври 14, 2019

Категорија: ЗДРАВЈЕ

Томас Фулер, британскиот историчар и свештеник, многу одамна ја има кажано една од денеска најчесто употребуваните изреки „Подобро да се спречи, отколку да се лечи“. Сепак, се чини дека повеќето од нас воопшто не ја следат оваа мудра и корисна поука која се однесува за грижата за сопственото здравје. Податоците говорат дека околу 10% од вкупната женска популација во некоја етапа од нивниот живот се борат против ракот на дојка, што го прави овој тип на рак најчест кај жените низ светот. Статистиката  на Институтот за јавно здравје вели дека годишно од рак на дојка во Македонија умираат 279 жени, или 27 на 100.000. Најголем број од смртните случаи се на возраст од 55 до 59 години, а најголеми шанси за успешна борба против ракот на дојка, како и на сите останати видови карциноми, нуди раната превенција. Превенцијата кај жените вклучува самопреглед на дојките, како и редовни мамографски и ехо прегледи со цел болеста да се открие во претклинички стадиум.

За ова, многу често се дискутира во јавноста, но се чини дека сѐ уште голем број од  жените некако потсвесно ја потиснуваат темата и избегнуваат да прават редовни прегледи. Факт е дека денес современата технологија и интернетот на луѓето им ги ставаат на дланка неопходните информации за различни болести, меѓу кои и за ракот на дојка, сепак тоа не може да влијае на намалување на бројката на заболени во државата, но и во светот. Оттука, со цел да ги зголеми свесноста и неопходноста од редовна себегрижа, компанијата Македонски Телеком, како технолошки партнер на кампањата #ПаузаЗаПреглед креираше информативно-едукативен микросајт на кој се наоѓаат инструкции за правење самопреглед, како и информации и едукативна содржина за ракот на дојка. Пристапот до овој микросајт единствено е овозможен преку мобилен телефон, а корисниците на Македонски Телеком го имаат директниот линк со пристап до www.pauzazapregled.mk преку SMS со пораката „Денес допрете го телефонот за добро“.

Вклучувањето на Телеком во кампањата со оваа иницијатива е уште една потврда дека  современата технологија покрај бројните комуникациски придобивки може да се искористи и за општо добро, во случајот за рана детекција на болеста. Самопрегледот е едноставен и се состои од само три чекори. Толку брзо, а исклучително важно за здравјето на секоја жена.

Проектот е уникатен и навистина корисен, бидејќи во случајов технологијата се става во функција за добри цели. Сепак, не треба да заборавиме дека освен самопрегледот, редовните лекарски контроли се најефикасни за раното откривање и дијагностицирање на ракот на дојка. Се препорачува да се прави самопреглед на дојките еднаш месечно, почнувајќи од 20-годишна возраст. Што се однесува до првата мамографија, препораките од лекарите е таа да се направи околу 40-тата година. Жените на возраст меѓу 40 и 50 години треба да прават мамографија на секои 2 години, а  после 50-тата година еднаш годишно.

Никогаш не е погрешно време за промени – ниту премногу рано, ниту премногу доцна, без разлика дали имате 15, 25 или 55 години. Промената на животните навики може да има многу важна улога за одржување на здравјето. Редовните прегледи се само почеток на грижата за вашето здравје, а раната детекција на болести како ракот на дојка е од круцијално значење за нејзина превенција, како и за квалитетот на животот.

Октомври е посветен на борбата против ракот на дојка, па така  и информативно-едукативниот микросајт www.pauzazapregled.mk ќе биде активен во текот на целиот месец. Кампањата #ПаузаЗаПреглед иницирана од AVON и технолошки поддржана од Македонски Телеком повикува на активна едукација за ракот на дојка и за важностите на рана детекција и превенција на оваа болест. Со приклучување кон оваа кампања, се приклучувате во борбата што секојдневно ја водат милиони жени во светот. Затоа, уште денеска, одвојте време за себе, направете пауза за преглед и искористете ја технологијата за ваше добро!

НАЈНОВО ОД КАТЕГОРИЈАТА

  • Четири напитоци за здраво срце

    Четири напитоци за здраво срце

    Болестите на срцето се речиси генетски наследени, но исто така се во голема мерка превентабилни и може да се влијае да не дојде до нив. Антиоксидативната…

  • СЗО: Малку е веројатно дека короната може наскоро да се искорени

    СЗО: Малку е веројатно дека короната може наскоро да се искорени

    Малку е веројатно дека коронавирусот во скоро време ќе биде искоренет, изјави претставникот на Светската здравствена организација (СЗО), Мајк Рајан. „Во моментов, вирусот е малку…

  • СЗО потврди – Пренесување на коронавирус во воздухот е можно за време на овие постапки

    СЗО потврди – Пренесување на коронавирус во воздухот е можно за време на овие постапки

    Светската здравствена организација денес соопшти дека пренесувањето на коронавирус преку воздух може да се случи за време на медицинските постапки, кога се ослободуваат аеросоли. Агенцијата…

  • Не бегајте од неговиот непријатен мирис, консумирајте лук!

    Не бегајте од неговиот непријатен мирис, консумирајте лук!

    Постојат многу предности од консумирањето на лук, и покрај непријатниот мирис кој го остава по јадењето, сепак станува збор за една од најздравите и најкорисни…

  • Научниците сега тврдат дека коронавирусот се пренесува и преку воздухот

    Научниците сега тврдат дека коронавирусот се пренесува и преку воздухот

    Скоро 250 научници тврдат дека Светската здравствена организација (СЗО) ја игнорира можноста дека коронавирусот се пренесува преку воздух, односно со капки помали од пет микрони…

  • Оваа храна го лади телото одвнатре и ги топи килограмите: Најдобра исхрана за летните горештини!

    Оваа храна го лади телото одвнатре и ги топи килограмите: Најдобра исхрана за летните горештини!

    Во лето, треба да се стремиме кон полесна, нискокалорична храна, пред се овошје и зеленчук. Еден од начините да се намалат штетните ефекти од високите…

  • Италијански научници: Комарците не пренесуваат корона

    Италијански научници: Комарците не пренесуваат корона

    Новата научна студија на италијанскиот национален здравствен институт ISS покажува дека комарците не се во состојба да го пренесат коронавирусот на луѓето, објави институтот во…

  • Ова овошје е во служба на рамен стомак. Слободно зголемете го внесот!

    Ова овошје е во служба на рамен стомак. Слободно зголемете го внесот!

    Секој знае дека за витко и здраво тело не е важно не само да вежбате, туку и да пазите на здрава и урамнотежена исхрана. Некои…

  • Супер трик: Ослабете на наједноставен начин…

    Супер трик: Ослабете на наједноставен начин…

    Можеби конечно оваа метода ќе ви помогне да се ослободите од килограмите. Прочитајте за што станува збор… Најновото истражување покажува дека колку храната е подалеку…

  • Директорот на СЗО откри кога можеме да очекуваме вакцина против коронавирусот

    Директорот на СЗО откри кога можеме да очекуваме вакцина против коронавирусот

    Според најновите податоци, од коронавирус се заразени над 9,6 милиони луѓе, а починале повеќе од 487.000 луѓе. Не е сигурно дека научниците ќе успеат да…