Лас Вегас уште еднаш ја докажува својата надмоќ на полето на ноќните клубови и луксузот, со помош на двата нови коктели кои се сервираат во луксузниот „Light“ ноќен клуб…
Не постои граница за луксузот и уживањето во новиот ноќен клуб „Light“ во Лас Вегас, a со ова повторно се докажува дека тука се најдобрите и најлуксузните места за ноќниот живот.
Станува збор за два скапоцени коктели кои се служат во овој луксузен ноќен клуб „City of Lights“ и „My Cherry Amor“, кои се лично дело на барменот Михаел Монреал.
Нормално, тука можете да ги вкусите и останатите луксузни пијалоци, како што е коктелот „Winston“, кој ја носи титулата за најскап коктел во светот.
Коктелот „City of Lights“ чини 1.500 долари, тој се состои од „Hennessy Paradis Imperial“, „Bulleit Rye“, „Cocchi Barolo Chinato“ и „Benedictine“ со неколку капки од „Peychaud“ и „Angostura“, се сервира со дијамантски лед и украсен е со кора од портокал.
„My Cherry Amor“ чини 2.000 долари, се состои од „Grey Goose Cherry Noir“, „Grand Marnier Cherry“ и лимонов сок, а тука е и „Dom Perignon Rose“. Тој е украсен со „Luxado“ вишна и лимон.
