Токио е најбезбеден град во светот за 2019 година, покажа Индексот за безбедни градови на известувачката служба на Економист.
Известувачката служба на Економист, која работи во рамките на британксиот „Економист Груп“, најпознат по списанието „Економист“, рангираше 60 дестинации ширум светот, врз основа на дигитална безбедност, здравје, инфраструктура и лична безбедност.
Токио е на врвот на листата, а потоа следат Сингапур и Осака, уште еден јапонски град.
Овие три градови, исто така се најдоа на врвот на листите за 2015 и 2017 година, пренесува Си-Ен-Ен.
Од европските градови, Амстердам и Копенхаген беа во првите десет најбезбедни, рангирајќи се на четвртото и осмото место соодветно.
Единствениот американски град во првите десет е Вашингтон, додека Чикаго е на 11-то место.
Меѓу десетте најбезбедни градови во светот се и Сиднеј и Мелбурн, Торонто и Сеул.
Хонг Конг, кој беше на деветтото место на списокот во 2017 година, падна на 20-та позиција оваа година.
Во изминатите неколку месеци во градот се случија насилни, антивладини протести, што доведе до пад на посетителите.
Последен на списокот е Лагос, Нигерија.
