Се чини дека негативниот одговор на регулаторот за проектот на Facebook за дигиталната валута Libra, ги плаши некои од вклучените трговски партнери, а неколку компании во моментов ги прегледуваат своите позиции, објави FT.
Веста доаѓа откако се појавија извештаи дека чуварите на конкуренцијата во Европската комисија започнале испитување на потенцијалните антимонополски прашања кои се однесуваат на плановите на Facebook, со посебен фокус на управувачката структура и членството во слабо поврзаната асоцијација Libra.
Овој тест е последен во низата пречки со кои Facebook се соочува бидејќи се обидува да ги убеди регулаторите и политичарите во светот околу загриженоста за приватноста, безбедноста и конкуренцијата во врска со неговата нова валутна единица.
Притисокот довел до тоа најмалку три компании да го мерат своето идно учество во проектот, а две компании активно започнале да размислуваат за повлекување, објави FT.
Досега на проектот на Facebook се приклучија 28 компании, a секоја вети 10 милиони долари за својот удел во шемата. Toa вклучува даватели на плаќања на Visa, Mastercard, Paypal, PayU и Stripe; компанијата за е-трговија eBay, Holding Holdings, Farfetch, Lyft, Mercado Pago, Spotify и Uber; телекомуникациските компании Iliad i Vodafone; блокчеин услугите на Anchorage, Bison Trails, Coinbase и Xapo Holdings и бројни компании и здруженија на ризичен капитал.
Растот на напнатоста помеѓу Facebook и неговите партнери делуваат во двете насоки, при што гигантот на социјалните мрежи се исплашил поради недостаток на гласна поддршка која ја добива од партнерските здруженија поради регулаторниот притисок.
