Археолозите што работат на ископини на северниот брег на Галилејското Море тврдат дека ги откриле урнатините на легендарната населба Витсаида, која во евангелијата се споменува како место на кое Исус Христос исцелил слеп човек.
Според „Кристијанити тудеј“, ископувањата почнале во 2016 година под надзор на професорот Мордекај Авијам од колеџот „Кинерет“, со мал буџет и еднакво мал тим.
Работејќи под претпоставка дека во Ел Араџ повеќе од илјада години постоела населба што ги преживеала римските, византиските, исламските и крстоносните периоди, археолошкиот тим најпрвин открил остатоци од фабрика за шеќер на крстоносците, кои претежно ги користеле постојните византиски sидови на локацијата, а подоцна откопале византиски манастир и црква.
Двете ископини под византиските подови изнеле на површина римска грнчарија и значителен број монети, но немало византиски предмети; тимот открил и слој тиња што подоцна го поврзал со реката Јордан.
Како што истакнува медиумот, истражувачите сега се надеваат дека ќе дознаат повеќе за Витсаида за да ги прошират своите знаења за местото на населбата во Библијата.
Веста доаѓа кога археолозите го објавија откритието на славната Апостолска црква, која, според христијанската историја, била изградена во домот на Петар и Андреј, учениците на Исус Христос, во Витсаида.
