Будва сѐ поблиска до далечните дестинации
Туристи од преку 170 земји од светот престојувале на ривиерата на Будва во секакви видови на сместување од почетокот на оваа година, тврдат податоците од Централниот туристички регистар на Министерството за одржлив раст и туризам на Црна Гора.
Најголемиот број на посети и ноќевања беа забележани од гости од Русија, Србија, Босна и Херцеговина, Германија и Украина, а охрабрува податокот дека туристите од Германија, најважниот емитивен пазар во Европа, беа доминантни гости во колективни сместувања во тек на првите шест месеци од 2019 година.
За хотелско сместување на Будванската ривиера, според официјалните податоци на Управата за статистика на Црна Гора – MONSTAT, најмногу се одлучуваат туристите од европските земји, кои сочинуваат 79% од сите гости. Најголеми емитивни пазари се Германија, која придонесува со 11% од вкупниот број туристи во колективно сместување, а веднаш зад неа се Русија, Србија, Албанија, Кина и Франција.
Навистина интересен факт е дека оваа година, во приватно сместување, во Будва престојувале туристи од далечни дестинации како Јапонија, Индија, Индонезија, Јужна Африка, Куба, Малезија и Тајван, но и неочекувани, интересни дестинации, како Папуа Нова Гвинеја, Маврициус, Камбоџа, Нигерија, Венецуела, Перу, Уругвај, Божиќни Острови, Аруба, Сејшели и многу други.
Во средината на август на улиците во Будва можете да уживате во разновидноста и богатството на различните јазици од целиот свет.
