Ова пловечко одморалиште е дизајнерски концепт наменет за удобно и авантуристичко еко-патување на море. Дизајнот го направил италијанскиот индустриски дизајнер Микеле Пуцоланти.
Објектот има елегантен и модерен дизајн, кој истовремено служи како луксузна јахта и приватен хотелски апартман за 6 души.
Покрај гламурот којшто го нуди ентериерот, оваа јахта нуди и едно навистина егзотично подводно искуство на морскиот свет, кој можете да го гледате од долниот кружен стаклен дел за набљудување.
Внатре во морското возило можете да уживате во убавиот италијански стил и во друштвеното џакузи наменето за 6 души. Инаку дизајнот е изграден за да функционира на соларна енергија и да апсорбира и складира и вештачка и сончева енергија.