Миризливите свеќи може да ви нанесат повеќе штета отколку корист.
Со оглед на тоа што денес сите се под стрес, луѓето наоѓаат различни начини за опуштање, а на некои тоа им оди од рака со помош на миризливите свеќи.
Ако и вие сакате и користите миризливи свеќи, би требало да знаете дека тоа не е можеби најздравиот начин на опуштање.
Претходно оваа година, во Велика Британија здравствените експерти ги предупредија граѓаните дека миризливите свеќи можат да имаат штетни ефекти.
Имено, некои претходни студии покажале дека овие свеќи можат да содржат канцерогени хемикалии кои се штетни за здравјето и можат да ги влошат респираторните проблеми како што е астмата.
Никола Елиот вели дека би требало да се избегнуваат свеќи од парафински восок. ”Може да содржи до 11 канцерогени состојки кои го загадуваат воздухот, оштетувајќи го нашето опкружување, а со тоа и нашето здравје“.
Советува наместо тоа да користите свеќи од пчелин или кокосов восок, како и оние кои содржат природни есенцијални масла, а не синтетички мириси.
