По надградбата на својот премиум лаптоп MacBook Pro пред неколку дена, Apple сега го освежува и неговиот достапен MacBook Pro, како и Air моделот.
Основниот 13-инчен MacBook Pro сега има Touch Bar и Touch ID. Исто така, стариот двојадрен CPU е отфрлен и наместо него тука е четиријадрениот Intel Core i5 (Coffee Lake) процесор од осма генерација.
Почетната цена на овој лаптоп е 1.300 долари (за модел со 128GB SSD), а тука е и Core i7 верзија, со цена поскапа за 300 долари и повеќе, со додавање повеќе RAM простор за складирање.
MacBook Pro и Air добиваат True Ton функција на Retina дисплеите, а оваа функција автоматски ја прилагодува температурата на бојата на екранот.
Покрај тоа, Apple одлучи да ја стопира понудата на 12-инчниот MacBook, кој не е надграден две години и е заменет со освежен MacBook Air.