Луксузниот бренд Caviar ја претстави декорираната верзија на Samsung Galaxy Fold моделот, кој како главна инспирација ја имал една од најгледаните телевизиски серии некогаш, ”Game of Thrones”.
Руски бренд кој се занимава со луксузна персонализација станал познат по редизинирање на iPhone моделот, разубавувајќи го со најскапоцените материјали кои се познати и достапни за човекот. Иако Samsung Galaxy Fold допрва треба да дебитира на пазарот, овој бренд сакал веднаш да ни понуди варијанта за купување на специјалното издание.
Разубавениот Samsung Galaxy Fold се фокусира на претстојната книга на Џорџ Р.Р.М. од серијата ”Game of Thrones”, The Winds of Winter. Интригантна декорација направена од чисто злато ги украсува надворешните панели. Дизајнот на златните елементи на референцата е приказна за сагата “A Song of Ice and Fire”. Заедно со картата Вестерос, златната рамка на панелите го отсликуваат змејот, лавот и волкот.
Како што велат од брендот Caviar, само седум од овие модели ќе бидат креирани, како симбол на седум куќи кои го сочинуваат кралството. Овој модел можете веќе да го нарачате, а ќе го добиете кога официјалниот Samsung Galaxy Fold моделот ќе дојде до таа фаза. Цената на овој луксузен новитет е 8.200 долари.
