Германија привлекува стотици илјади странци од различни земји. Помеѓу нив, во голем број се жителите од Европската унија, од јужна и источна Европа.
Минатата година во Германија се доселиле околу 300.000 повеќе луѓе од оние кои емигрирале од неа.
Голем број на Грци, Шпанци и Бугари веруваат дека преселувањето во Германија е единствената шанса сами да заработуваат за живот. Во нивните земји владее голема невработеност и не постои шанса таа ситуација наскоро да се поправи.
Сегашниот бран на емигранти е составен од луѓе со високи квалификации: инженери, академици, експерти. Германските бизнисмени од тоа профитираат, а покрај нив, профитира и целото општество. Меѓутоа, на Германија не и се потребни само инженери, туку и луѓе кои негуваат болни и стари лица, кои не мора да поседуваат одлично образование.
Пристигнувањето на работната сила од странство има една скриена димензија: тоа што Германија го добива, земјата на потеклото го губи. Тоа на пример важи за државната каса: Во Германија ситуација е релаксирана поради квалифицираните работници од странство, но во државите домаќини, државниот буџет губи пари, поради „одливот на мозоци“.
