Грчкиот национален совет за побарување долгови од Германија, изјави дека земјата бара исплата на 108 милијарди евра, без камата.
Советот бара милијарди евра на име оштета за уништената инфраструктура во Грција во Втората светска војна, како и 54 милијарди евра, кредити исплатени на Германците за време на окупацијата.
Член на Секретаријатот на Советот, Аристоменис Сигалакис, објави податоци за побарувањата од Германија, во говорот што го одржа во Солун по повод презентација на книгата ,,Грчки холокауст 1940-1945”, пренесе сајтот ,,Грик рипортер”.
Сигалакис додаде дека Советот бара надомест за штета на археолошките богатства, како и за жртвите во војната.