Барете дом со префинет ентериер во најдобриот регион на вината во светот?
Ви го претставуваме величествениот имот во долината Напа, кој е дизајниран така што го претставува и го поддржува најлуксузниот животен стил. Ви нуди приватна, мирна и безбедна локација, додека низ прозорите ви се овозможува поглед кон лозовите насади кои придонесуваат за уште поголем луксуз и гламур. Ова е префинета европски инспирирана хациенда, со волуменизиран простор, високи тавани, изрезбан мермерен камин и подови од травертин и дрво од костен. Главната резиденција на овој имот има феноменална површина од околу 1.000 квадратни метри и четири прекрасно декорирани спални соби. Овде постои и одвоена двособна помала куќа, како и ложа покрај базенот која исто така има идеален декор за уживање во секоја смисла.
Други погодности на оваа вила се и професионално опремената кујна, грандиозното домашно кино со 15 места, печката за пица на дрва, а тука се и приватната теретана и сауна.
Овој сјаен имот има класични и гламурозни елементи на декор и пријатна комбинација на бои во просторот, при што луксузот е заеднички фактор во сите соби. Од бањата до спалната соба и од дневната просторија до кујната, овде може да уживате во најдобрите работи кои луксузниот живот ви ги нуди. Доколку ви се допаѓа овој имот, тој во моментот е на продажба. Поради фактот дека се наоѓа во феноменалниот вински регион и дека е прекрасно и внимателно декориран и дизајниран, неговата цена е висока – тој чини 11.5 милиони долари.
