Одлуката на министрите за финансии на еврозоната за одделување помош за Кипар може да се очекува дури во март, изјави денеска претседателот на еврогрупата Жан Клод-Јункер.
– Според мене, би било пореалистично да се прифати дека ќе го решиме конечно кипарското прашање во март, рече Јункер.
Првично шефот на Еврогрупата, која ги обединува министрите за финансии од еврозоната, се стремеше одлуката за Кипар да биде донесена во јануари.
Според експерти, Никозија има потреба од финансиска помош од 17,5 милијарди евра за да избегне банкрот.