Фармацевтскиот и аграрнен концерн „Bayer“ има намера да отпочне нова програма за штедење со сериозни намалувања на работните места. Планот ќе влијае пред се на бизнисот со здравствени производи без рецепт (Consumer Health), соопштува германскиот весник „Handelsblatt“, цитирајќи неименувани извори од компанијата.
Работните места кои ќе бидат намалени се во областа на фармацевтските истражувања и земјоделскиот бизнис што „Bayer“ го проширува со купувањето на „Monsanto“. Сепак нема да има отпуштања во Германија, бидејќи во земјата ќе се применува договорот за обезбедување на локацијата, кој групата го склучи со претставниците на вработените до крајот на 2020-та година. Но, тоа не важи за вработените од Одделението „Consumer Health“, чие седиште се наоѓа во Базел, Швајцарија. Не е јасно колку работни места ќе бидат елиминирани. Од „Bayer“ не коментираа за оваа тема.
Концернот со седиште во Леверкузен и дел од германскиот водечки индекс „Dax“ планира да ги информира аналитичарите и менаџерите за идните перспективи на 5-ти декември за време на инвестициската конференција во Лондон.
Шефот на дивизијата „Consumer Health“, Хаико Шиперс изјави во средината на ноември пред аналитичари дека тогаш има намера да обезбеди анализа за тоа како нивниот бизнис може да биде повторно промовиран. Според внатрешните извори, „Bayer“ исто така размислува да продава некои брендови на индивидуални пазари, каде што бизнисите се премногу слаби за да растат на среден рок.
Одделот за фармацевтски производи, исто така се соочува со сериозни промени, бидејќи од почетокот на годината „Bayer“ ги истражува сите објекти во целиот свет за истражување и истражувачките активности под проектното име „Super Bowl“. Во септември, „Ројтерс“ информираше дека намалувањата на работните места, преместувањето на вработените се можни. Ќе има „сериозни промени“, напиша тогаш агенцијата. Според инсајдерите, групацијата ги проучува и можностите за својот ветеринарен бизнис.
