Компанијата „Apple“ испрати покана за презентација која ќе се одржи на 30-ти октомври во Њујорк во Бруклинската музичка академија.
Интересно е да се напомене е дека поканата е испратена истовремено во неколку варијанти, како што нагласува слоганот „There’s more in the making“.
На настанот се очекува да бидат објавени новите компјутери и таблети на „Apple“. Според претходните податоци компанијата работи над два нови уреди „iPad Pro“ – со дијагонали од 11 и 12,9 инчи. Тие ќе бидат без рамки како „iPhone X“, ќе им недостасува „Home“ копчето и скенерот за отпечатоци „Touch ID“, но ќе добијат „Face ID“.
Се очекува уште да го видиме обновениот 12-инчен „MacBook“ – лаптоп со „Retina“ дисплеј кој доаѓа на местото на „MacBook Air“, и новиот модел „Mac mini“, кој не е ажуриран од 2014-та година.
