Основачот и директор на Амазон, Џеф Безос, објави дека ќе одвои 2 милијарди долари за да формира фонд кој ќе помогне да се отворат предучилишни установи во посиромашните населби и да им се помогне на семејствата без домови.
Овој фонд ќе се вика “Bezos Day One Fund”, рече Безос, чиј удел во Амазон му вреди околу 160 милијарди долари.
Безос на Твитер објави дека еден дел од фондот финансиски ќе ги поддржи организациите и групите што ќе обезбедат засолниште и храна за младите семејства без домови.
Вториот дел ќе биде наменет за отворање бесплатни предучилишни установи.
Засега не е познато како ќе изгледаат овие претшколски установи, освен што ќе се засноваат на филозофијата на предавање Марија Монтесори, објави АП.
