ММФ одобри нова транша од помошта за Грција во вредност од 3,24 милијарди евра.
Одлуката на ММФ дојде, откако во понеделникот грчкиот парламент го одобри законот, со кој се предвидува исполнување на десетина услови за помош на Грција.
Собранието ги усвои мерките, кои владата на крајот на минатата година само привремено ги усвои, за да може Грција да добие нова транша помош. Многу од условите беа донесени само привремено и тие за 40 дена истекуваа, доколку парламентот не го одобреше законот.
Европските кредитори минатиот месец одобрија нов пакет помош од 49,1 милијарди евра, од кои 34,3 милијарди евра се исплатени во рок од неколку дена, а остатокот ќе биде исплатен до март.