Германија е една од ретките водечките европски економии без ниту еден терминал за течен гас, пишува „Handelsblatt“. Франција, на пример, има четири, Италија – три, Велика Британија – шест, и Шпанија – седум. Терминалите за „LNG“ имаа и Грција, Холандија, Португалија, Белгија, Полска и Литванија, додава весникот.
Оваа ситуација сепак може многу наскоро да се промени, откако и Германија да добие терминал за „LNG“ крај Брунсботел во провинцијата Шлезвиг-Холштајн. Планираната инвестиција изнесува 450 милиони евра. Терминалот се очекува да биде пуштен во употреба во 2022-ра година.
Претставници на федералната влада изјавиле пред „Handelsblatt“ дека со овој проект ќе побие критиките на американскиот претседател Доналд Трамп дека Германија е зависна од рускиот природен гас.
Весникот коментира дека, всушност, натегањето за гасот помеѓу Берлин и Вашингтон е повеќе економски, отколку политичко. Со развојот на проекти за шкрилци, САД од нето увозник на суровината почнува да се претвора во извозник.
Во Германија не ги прифаќаат критиките на Трамп против „Северен поток 2“. Повеќето Германци го поддржуваат овој проект, со образложение дека е подобро да бидат обезбедени со дотур, покажуваат анкетите. 92% од Германците се убедени дека коментарите на американскиот претседател се диктирани од неговата желба да продава американски природен гас.
И самиот Доналд Трамп јасно рекол дека сака американскиот гас да влезе на европскиот пазар. Германската влада, исто така, коментираше дека не му пречи на испорачувањето на „LNG“ од САД.
„Ако течен гас од САД пристигне до Германија по конкурентни цени, ќе биде прекрасно за нас“, коментира Норберт Бракман, член на владејачката партија на Ангела Меркел.
Тоа е, проблемот не е ниту логистички ниту политички, вели германското издание. Со години Германија добива гас од Русија, Норвешка и Холандија преку гасоводи. Гасот кој се дистрибуира со цевки е поевтин од течниот кој има потреба од посебни објекти за складирање, а потоа и од специјални терминали за истовар.
Покрај тоа, танкерите кои носат „LNG“ се исто така поголеми загадувачи за животната средина, вели „Handelsblatt“.
