Германскиот кредитор Deutsche Bank денеска објави пад од 14% на нето добивката во вториот квартал на годишна основа, додека минува низ реструктуирање под новото раководство, соопштува „Ројтерс“.
Минатата недела најголемата банка во Германија сигнализираше дека нето-добивката ќе биде повеќе од двојно повисока од предвидувањата на аналитичарите. Таквата добра вест ретко се слуша од страна на банката, која ги намалува трошоците за заживување на профитабилноста.
Нето добивката за вториот квартал достигна 401 милион евра во споредба со 466 милиони евра за истиот период од претходната година. Приходите останаа непроменети и достигнаа 6,6 милијарди евра, намалувајќи го нивниот пад од претходните години.
Подобрите од очекувањата добивка и приходи се позитивен знак за новиот извршен директор Кристијан Зивинг, кој ја презеде должноста во април и започна планови со кратење на над 7.000 вработени, како дел од реструктуирањето на банката.
Обидувајќи се да се опорави од три последователни години во загуба, „Deutsche Bank“ верификуваше негативни вести, една по друга, вклучувајќи нагли промени во позициите на врвот, намалување на оценката од „Standard & Poor’s“ и неуспехот на стрес тестовите на ФЕД во САД.
„Ние правиме важни промени во нашиот основен бизнис како што ветивме. Ние одиме во вистинска насока во поглед на трошењето и квалитетот на нашата рамнотежа е силен“, рече Зивинг.
Во инвестициската банка, приходите се делумно поддржани од еднократниот бонус за продажбата од 57 милиони евра во квартал.
Приходите на одделот за трговија со обврзници, кој е најважниот за компанијата, се намалиле за 17% и покрај нестабилните пазари.
