Во текот на изминатата недела пазарната капитализација на „Amazon“ за прв пат во историјата ја премина границата од 900 милијарди долари.
Компанијата, основана од страна на Џеф Безос во 2004-та година, преживеа за време на кризата „dotcom“ и е на пат да ја смени „Apple“ од челното место меѓу најскапите јавни претпријатија по 21 година на берзата.
Само оваа година цената на „Amazon“ е зголемена за 55%, во споредба со 13% на онаа на „Apple“. Инвеститор кој во 1997-ма година купи само 1 акција на компанијата по цена од 18 долари, денес ќе има на сметка 22.200 долари.
Или, со други зборови, во текот на 21-годишниот период акцијата се зголемила повеќе од 123.000%. Импресивно, нели?
Од друга страна „Apple“ е најскапата јавна компанија од 2011-та година, откако тогаш ја превзема „Exxon Mobil“. Денес нејзината капитализација e 940 милијарди долари, а според аналитичарите една од двете компании прва ќе стигне до психолошката граница од 1.000 милијарди долари. Прашањето е која?
Одговорот на ова прашање можеби ќе стане луциден уште оваа недела, откако „Amazon“ се очекува да ги објави своите резултати за првите два квартали на 26-ти јули (четврток), додека „Apple“ ќе го стори тоа 5 дена подоцна.
Број 3 меѓу најскапите компании во САД во моментов ја држи „Alphabet“ (823 милијарди долари), следена од „Microsoft“ (816 милијарди долари) и „Facebook“ (607 милијарди долари).
