Ако не сте го посетиле Долен Менхетен во последните неколку години и не сте се шетале во истоимениот трговски центар, веројатно никогаш не сте слушнале за „Brookfield Asset Management“.
Иако не е особено популарна, канадската компанија добила бизнис имот со вкупна приближна површина од 37 милиони м2 и ги надмина останатите инвестициски компании во имот по речиси сите значајни финансиски показатели.
Меѓу компаниите за недвижности кои се претставени на берзата, „Brookfield Asset Management“ ги има стекнато најголемите средства (196 милијарди долари), највисоките приходи (47,6 милијарди долари) и е трета по профит (2,3 милијарди долари) и по пазарна капитализација (38,9 милијарди долари).
Тоа ја прави најголемата компанија за инвестиции во недвижности во светот и најдобро претставената канадска компанија во рангирањето на списанието „Forbes Global 2000“ за 2018-та година на најголемите и највлијателните јавни претпријатија. Таа се заснова на четири показатели со еднаква тежина – приходи, профит, средства и пазарна капитализација.
Рангирањето вклучува компании од 60 земји, кои во последните 12 месеци постигнале 39,1 илјади милијарди долари од продажба и вкупен профит од 3,2 илјади милијарди долари. Нивната вкупна актива изнесува 189 илјада милијарди долари, а комбинираната пазарна вредност достигнува 56,8 илјади милијарди долари.
Во Топ 10 на најголемите јавни претпријатија во светот, доминираат кинески компании. Двете кинески банки „ICBC“ и „China Construction Bank“, ги заземаат првите две места, по што следат „JPMorgan Chase“, „Berkshire Hathaway“ на Ворен Бафет, „Agricultural Bank of China“, „Bank of America“, „Wells Fargo“, „Apple“, „Bank of China“ и „Ping An Insurance Group“.
Поточно инвеститорите во недвижности биле ценети не само поради профитот, но и по обемот и квалитетот на имотите кои ги поседуваат, забележува „Forbes“. Активата на „Brookfield“ е разновидна и вклучува од канцеларии во Јужна Кореја до студентски домови во Лондон.
38 компании кои инвестираат во недвижности, паѓаат во „Global 2000“ во оваа година, а меѓу нив не е гигантот за приватен капитал „Blackstone“ кој има огромно имотно портфолио, но исто така инвестира во многу други видови на средства.
Во класификацијата има место за компании како „Brookfield“, која заедно со имотните средства инвестира во инфраструктура и обновлива енергија, како и повеќе специјализирани компании како „American Tower Corporation“, најголемиот сопственик на телекомуникациски кули во САД, американската компанија за бизнис имот „Simon Property Group“ и „царот“ на магацините „Prologis“.
23 од 38-те најголеми имотни компании во светот доаѓаат од САД, вклучувајќи и четири во првата петорка. Пет од останатите компании се австралиски, а останатите се претежно од Франција и Велика Британија.
Во првите десет на најголемите имотни компании во светот, по „Brookfield Asset Management“, се американските „American Tower Corporation“, „Simon Property Group“, „Annaly Capital Management“, „Prologis“, хонконгската „Link REIT“, американската „Weyerhaeuser“, француските „Gecina“ и „Klepierre“, како и австралиската „Westfield“.
