Bayer го финализира купувањето од 63 милијарди долари на „Monsanto“ во четвртокот, а како дел од плановите на фармацевтскиот производител да престане да го користи 117-годишното име на биотехнолошка компанија.
Во понеделникот „Bayer“ соопшти дека веќе ги има добиено сите потребни дозволи од регулаторните власти за спроведување на договорот, посочуваат агенциите.
„„Bayer“ ќе остане името на компанијата, а „Monsanto“ веќе нема да е име на компанија. Купените производи ќе ги задржат своите брендирани имиња и ќе станат дел од портфолиото на „Bayer““, станува јасно од пораката.
Во неделата фармацевтскиот гигант започна со издавањето на акции за акционерите во вредност од 6 милијарди евра – пресвртница во програмата за финансирање на трансакцијата, набргу откако успеа да ги надмине последните пречки пред нејзиното спроведување во САД.
Купувањето е едно од трите големи германско-американски спојувања кои ќе бидат завршени во позадина на тековните критики на американскиот претседател Доналд Трамп спрема германскиот трговски суфицит со САД.
„T-Mobile US“ на „Deutsche Telekom“ планира спојување со „Sprint“ во вредност од 26 милијарди долари. Истовремено, го предвидуваат и производителите на гас „Linde“ и „Praxair“.
Веста за одлуката на „Bayer“ да се откаже од името на „Monsanto“ не е неочекувано. Компанијата, која е најголемиот производител на генетски модифицирани семиња, стана главна цел на обвинувањата на екологисти против користената технологија. Таа, исто така, привлече критики за неа со поагресивно купување на интелектуалната сопственост.
