Милијардерот Ворен Бафет предложил да инвестира 3 милијарди долари во „Uber Technologies“, претходно во оваа година, но преговорите пропаднаа поради несогласување на условите на договорот, пишува „Bloomberg“, повикувајќи се на анонимни извори.
Компанијата на Бафет, „Berkshire Hathaway“, требаше да обезбеди конвертибилни заеми на „Uber“, кои се цел да се заштити инвестицијата, доколку компанијата за споделување на патувања се соочи со финансиска криза, наведува медиумот.
Извршниот директор на „Uber“, Дара Коршоваши, понуди да го намали договорот на 2 милијарди долари, со што му даде на Бафет помал удел во компанијата. Договорот не успеа откако двете страни не ги договорија условите, коментираше информираниот извор.
За „CNBC“, Бафет коментираше дека „некои од напишаните детали не се вистинити“, но потврди дека „Berkshire“ водела преговори со „Uber“.
Во интервју за „CNBC“, Коршваши исто така, потврди дека „Uber“ водела преговори со Бафет, но додаде дека не верува дека „објавеното е сосема точно“.
Запрашана дали преговорите ќе бидат обновени, Коршоваши изјави дека тоа „е секогаш можно“ и дека ќе го поздравува секој вид дијалог со Бафет.
Претставникот на Бафет не одговори веднаш на прашањата за коментар. Портпаролот на „Uber“ одби да коментира на оваа тема.
