Одличната конзола „Nintendo Switch“ продолжува да бележи исклучителен успех на пазарот со 17.79 милиони продадени примероци од 31-ви март оваа година.
Ова претставува зголемување од дури 3 милиони во однос на крајот на јануари, кога „Switch“ го престигна „WiiU“ по бројот на продадени примероци. „Nintendo“ во својот извештај го стави и бројот на продаден софтвер, односно видео игри, што кај оваа конзола изнесува речиси 70 милиони единици, каде водечки се „Super Mario Odyssey“ и „Legend of Zelda“.
Исто така, постариот „Nintendo 3DS“ исто бележи пораст во продажбата со продадени 72.53 милиони уреди, исто така до крајот на март, што секако е импресивен број.
„Switch“ секако ќе го продолжи својот раст и развој и понатаму во текот на 2018-та година, затоа што веќе се претстави многу екслузиви, но и вредни портови, како „Dark Souls“ и „Wolfenstein 2“, a без сомневање е дека не очекува претставување на многу нови наслови на претстојниот „E3“ настан.