Една од најголемите американски инвестициски банки – „Goldman Sachs“, го продолжува својот марш од „Wall Street“ кон „Main Street“, откако купи апликација за која се тврди дека помага на околу 1 милион американски корисници да ги држат личните финансии под „око“, пишува „Financial Times“.
Купувањето на „Clarity Money“, објавено во неделата, e нов договор во цела серија на транскакции кои банката ги направи со единицата „Marcus“, бизнисите за дигитално банкарство, која беше стартувана пред година и половина.
Целта е 149-годишната банка да создаде нови извори на приходи, бидејќи клучните бизниси, како трговијата, се поттиснати од построги регулативи, преминување на електронски платформи и колебливата активност меѓу големите институционални клиенти.
„Clarity“, бесплатната апликација за преземање и користење, тврди дека им помага на своите корисници да донесат подобри финансиски одлуки.
Работи преку поврзување на кориснички сметки и кредитни картички, потоа дава предлози за заем со кои ќе ги рефинансираат другите кредити, претплати кои тие можат да ги откажат или сметките за кои би можеле да преговараат. Ако клиентот прифати понуда од друг давател на услуги (на пример, банка), „Clarity“ добива надомест за медијација.
Компанијата, која е базирана во Њујорк и е основана во април 2016-та година, има „свртено“ околу 15 милиони долари ризично финансирање од инвеститори, меѓу кои „Citi Ventures“, „Bessemer Venture Partners“, „Sherpa Capital“ и „Soros Capital“.
Главен извршен директор на „Clarity“, „Адам Дел“ – помладиот брат на Мајкл, основач и извршен директор на „Dell Technologies“, му се придружува на „Goldman Sachs“ како партнер. Цената на трансакцијата не беше обелоденета.
„Goldman Sachs“ го претстави својот дигитален бизнис „Marcus“ во октомври 2016-та година. Потрошувачите кои имаат договор за вработување можат да преговараат за заем до 40.000 долари преку интернет порталот за заем.
