Најголемата музичка стриминг услуга во светот „Spotify“ очекува нејзините приходи да нараснат со 20-30% во оваа година, откако девизните флуктуации го забавија темпото на раст од 2017-та година. Информациите беа објавени од страна на компанијата во момент во кој таа се подготвува за долгоочекуваната иницијална јавна понуда во текот на следната недела, објави „Ројтерс“.
Шведската компанија изјави дека очекува нејзините приходи за 2018-та година да достигнат меѓу 4,9 милијарди и 5,3 милијарди евра, што ќе претставува забавување од 39-те проценти раст, кои ги забележа во 2017-та година, кога склучи подобро лиценцирани договори со големи издавачки куќи.
За првиот квартал, компанијата предвидуваше приходи од 1,10 милијарди евра – 1,15 милијарди евра, што претставува пораст од 22-27% од година во година.
„Spotify“ одбележува пробив за европскиот технолошки стартап екосистем како прва компанија со децении, која ќе ја заштити својата листа – стриминг музика, наспроти американските гиганти „Apple“, „Amazon“ и „Google“.
Акциите на „Spotify Technology“ ќе почнат да се тргуваат на берзата во Њујорк на 3-ти април во рамките на невообичаеното директно листање, што им овозможува на сегашните инвеститори и на вработените да ги продадат своите акции. Компанијата излегува на берзата без директната поддршка на традиционалните поематели – рецепт за потенцијална висока нестабилност кај раната трговија.
Компанијата е проценета на околу 20 милијарди долари врз база на приватните трансакции на сегашните акционери и вработените кон февруари, покажуваат документите на компанијата.
Ако не успее да ги исполни прогнозите во првите неколку квартали како јавна компанија, „Spotify“ ќе ги намали шансите за понатамошно подигање на капитал, коментира Стив Лондон, партнер во „Pepper Hamilton“. „„Spotify“ го знае ова и сигурен сум дека нивните предвидувања се многу прифатливи и не вклучуваат ризик“.
Се уште негенерираниот профит „Spotify“, чиј приоритет е најбрзиот раст, а не профитот, тврди дека очекува да достигне меѓу 73 и 76 милиони претплатници овој месец, речиси два пати повеќе од оние на нејзиниот најблизок конкурент „Apple“. За цела година, има за цел да достигне од 92 до 96 милиони корисници, што претставува пораст од 33 отсто.
Покрај тоа, компанијата очекува бројот на активни корисници во март да изнесува од 168 до 171 милиони, вклучувајќи ги и оние кои ја користат бесплатната услуга. Ова е над 157 милиони пријавени на крајот од минатата година. Компанијата сака да достигне од 198 до 208 милиони активни корисници до крајот на годината.
Оперативната загуба би требало да се намали во 2018-та година и ќе биде во опсег 230-330 милиони евра, објави „Spotify“, вклучувајќи 35-40 милиони евра трошоци за „ИПО“-то.
Се очекува бруто маржата за првиот квартал да порасне до околу 23-24% од 21% за минатата година, а за 2018-та година да достигне 23-25%. Сепак, ова е далеку под долгорочната цел на 30-35%.
