Петте земји членки на БРИКС се блиску до договор кој ќе го отвори патот за основање на заедничка развојна банка.
Тоа го изјави јужноафриканскиот дипломат, задолжен за организирање на претстојниот самит за земјите од тој блок.
„Постои огромна согласност околу клучните прашања“, рече Анил Соклал, заменик генерален директор при Одделението за меѓународни односи.
Иако деталите се уште не се дефинирани, се чини дека Бразил, Русија, Индија, Кина и Јужна Африка се поблиску до решавањето на најтешкото прашање, а тоа е колку пари секоја земја треба да допринесе за банката.
„Сума од 50 милијарди долари, колку што треба да биде доприносот на секоја членка, е нешто со што сите се сложуваме, но уште треба да се работи на тоа“, рече Соклал.
Основањето на развојна банка е еден од приоритетите на самитот на БРИКС, чии домаќин во март ќе биде Јужна Африка. Пред состанокот, министрите за финансии од тој блок имаат за задача да ги истражат можностите за основање на банка.
