Фотоапаратот од германската марка „Leica“ од 1931 година, кој е позлатен и прекриен со крокодилска кожа, го промени својот сопственик за 528.000 евра, иако беше проценет на само 150.000 евра, на аукцијата која ја организираше галеријата „Westlicht“.
Новиот сопственик сакал да остане анонимен, но сепак истакнал дека тој е долгогодишен колекционер на фотоапарати и дека за ваквиот луксуз не е проблем да издвои и двојно поголема сума од оваа.
Основачот на галеријата Питер Келн изјави дека овој редок и луксузен фотоапарат бил во сопственост на германскиот индустријалец Карл Хенкел, кој произведувал и шампањ.
