Сигурни сме дека кога ќе помислите на Украина, за оваа земја не размислувате како за ултимативна дестинација за скијање.
Но, ќе ви откриеме тајна – Украина е скриен скапоцен камен за скијање. Сместен во срцето на Карпатите, фантастичниот „Radisson Blu Resort Bukovel“ ви ветува услуги од светска класа, снежни падини и безброј погодности доколку се одлучите да допатувате тука.
Ова врвно скијачко одморалиште ви нуди сместувачки капацитет од 252 елегантни и пространи соби и апартмани од кои секој е декориран со модерни и топли нијанси. Сите соби нудат поглед кон живописното опкружување, а опремени се со современи апарати во смисла на флет ТВ екран, брз интернет и мини бар, додека балконот е совршено место за започнување на вашата секојдневна авантура.
По напорниот ден на ски стазите, хотелот ви нуди простран SPA и wellness центар каде можете да ги опуштите мускулите од физичката активнсот и да се подготвите за уникатното кулинарско искуство кое ви го нуди хотелот „Radisson Blu Resort Bukovel“. Можете да уживате во традиционалните украински специјалитети или во европската кујна во спектакуларниoт „Montblanc“ ресторан. За љубителите на скарата и лесните снек залчиња, на располагање е „Apres Ski Hut“.
И додека размислувате за наредниот скијачки ден, вечерта можете да ја поминете во некој од баровите кои нудат коктели, топло чоколадо или кафе.
