Аналитичарите од агенцијата „Focus2Move“ објавија податоци од своето истражување на глобалниот пазар за автомобили за 2017-та година и формираа Топ 10 од најуспешните модели. Според податоците, најпродаваниот автомобил во изминатата година беше „Toyota Corolla“.
Јапонскиот модел е убедлив лидер во рангирањето, со тоа што само тој и второпласираниот „Ford F-Series“ остварија повеќе од 1 милион продажби. Интересно, во споредба со 2016-та година, резултатот на „Toyota Corolla“ е намален за 6,6%.
Топ 10 најпродавани автомобили во светот за 2017-та година
Toyota Corolla – 1.224.990 возила (-6,6%)
Ford F-Series – 1.076.551 (+8,7)
Volkswagen Golf – 952.826 (-3,5%)
Honda Civic – 819.005 (+21,7%)
Toyota RAV4 – 807.401 (+11,0)
Honda CR-V – 748.048 (-0,4%)
Volkswagen Tiguan – 703.143 (+34,5%)
Ford Focus – 671.923 (-6,3%)
Chevrolet Silverado – 660.530 (+3,5%)
Volkswagen Polo – 656.179 (-6,6%).
Сосема малку им недостигаше на моделите како „Toyota Camry“, „Hyundai Elantra“, „Hyundai Tucson“, „Ram Pick-up“ и „Wuling Hongguang“ да се најдат меѓу првите десет. Тие се пласираа од 11-то до 15-то место во ранг-листата.
