Остануваат уште неколку дена до најлудата ноќ во годината и меѓу луѓето владее новогодишна еуфорија. Оваа позитивна енергија е најприсутна во Skopje City Mall, каде деновиве е актуелна Магичната сказна.
Големата новогодишна елка како во европските метрополи, прекрасните декорации и сијалички ја доловуваат најавтентичната атмосфера која на сите им предизвикува празнично расположение, надополнето со звуците од богатата програма со харфа, саксофон, театарски престави и сл.
Во рамки на Магичната сказна на Skopje City Mall се организираат многу интерактивни содржини, креативни работилници, музички настапи, можност за интересно фотографирање во духот на новогодишните празници и други забавни содржини. За време на викендите се организираат театарски претстави, а тука е и Дедо Мраз кој ги раскажува своите најинтересни приказни секој петок, сабота и недела.
Од вчера започнаа и новогодишните намалувања во речиси сите локали во трговскиот центар, а попустите се движат од -30% до -70%, вистински императив за сите шопингхоличари.
Од трговскиот центар известуваат дека работното време на 29 и 30 декември ќе биде продолжено до 23 часот (не е обврзувачко за сите локали). За прв пат оваа година Skopje City Mall 1-ви јануари го прогласува за неработен ден. Ќе работат само маркетот, киното, кафе-баровите и рестораните. Деталите за работното време на локалите можете да ги погледнете на фотографијата подолу.
Од Skopje City Mall ги повикуваат сите да уживаат во богатата програма која ќе трае до 9 јануари 2018 година и да ја почувствуваат веселата новогодишна магија. Деталите за активностите и сите дополнителни информации можете да ги погледнете на www.skopjecitymall.mk/skazna.
