„Microsoft“ ја претстави својата најнова конзола „Xbox One“, па сега можеме да ги погледнеме најважните моменти во врска со уредот.
Душата на новиот „Xbox One“ е неговата архитектура затоа што се во прашање три оперативни системи кои се составени во еден.
Првиот е самиот „Xbox“, вториот е „Windows“, додека третиот ги поврзува првите два и му овозможува на корисникот брз мултитаскинг само со помош на глас или гестови кои „Kinect“ автоматски ги поврзува со помош на камерата со 1080 пиксели и сензори за препознавање на гласот што е голем напредок во споредба со „VGA“ сензорот на стариот „Kinect“.
Новиот „Xbox“ поседува 8GB DDR3 RAM, „blue ray drive“, 500GB хард диск, HDMI, WiFi, „octa-core“ процесор и „USB 3“, a новиот контролер доживеа 40 нови промени, а пак новата x86 архитектура нема да дозволи играње на игри кои се наменети за „Xbox 360“.
„Xbox One“ во продажба ќе се појави на крајот од оваа година, а од „Microsoft“ не ги открија деталите кои се поврзани со цената.
