Капитенот на Милан, Леонардо Бонучи, нема да може да настапи на наредните две средби поради црвениот картон што го доби на неделниот натпревар во Серија А со Џенова.
Дефанзивецот на Милан во еден воздушен дуел со лакотот го удри противничкиот фудбалер Алесандро Роси поради што тој почна да крвави.
Бонучи доби црвен картон по консултациите помеѓу главниот судија и помошниците и прегледувањето на снимката.
Милан од 25. минута остана со играч помалку на теренот и не успеа да забележи победа над Џенова. Дуелот на „Сан Сиро“ заврши без голови.
„Росонерите“ по девет натпревари во Серија А се наоѓаат на 11. место со 13 бода, 12 помалку од лидерот Наполи.
Поради казната, Бонучи ќе ги пропушти натпреварите со Киево во Верона и со Јувентус во Милано.
