Екипата на „Ред Бул“ договорила спонзорска соработка со престижниот производител на спортски автомобили „Астон Мартин“. Од наредната сезона овој формула 1 тим ќе го носи името Астон Мартин Ред Бул, а соработката покрај на спонзорско ќе биде и на техничко ниво.
Во кампусот на „Ред Бул“ кон крајот на годината ќе биде изграден „Адвантек перформанс центар“, кој ќе ја добрижи соработката помеѓу двете страни во развојот на технологијата за формула 1 и за патничките автомобили.
Во овој центар ќе бидат вработени 110 луѓе, а тука ќе биде и седиштето на дизајнерите и инженерите на Астон Мартин, кои ќе бидат задолжени за идните спортски автомобили на двете компании.
„Астон Мартин“ во соработка со „Ред Бул“ веќе разви еден автомобил, валкира, која во производсто треба да се најде во 2018 година.
